Albulena Haxhiu: Lirinë e gëzojmë falë rezistencës së familjes Jashari dhe luftës së UÇK-së
Kosova përkujton sot nisjen e betejës së serbëve ndaj familjes Jashari, betejë e cila i mori jetën familjes Jashari në krye me Komandantin Legjendar, Adem Jashari.
Me këtë rast, ministrja e Drejtësisë, Albulena Haxhiu, përmes një postimi në Facebook ka shkruar se rënia e lavdishme e familjes Jashari, me komandantin legjendar, Adem Jasharin, hapi shtigjet drejt lirisë.
Ajo thotë më tej se lirinë e gëzojmë falë rezistencës së familjes Jashari dhe luftës së UÇK-së.
Postimi i saj:
Rënia e lavdishme e familjes Jashari, me komandantin legjendar, Adem Jasharin, hapi shtigjet drejt lirisë.
Më 5,6 dhe 7 mars, kujtojmë me krenari rezistencën e pashembullt të familjes Jashari, jehonë e cila përveç që ngriti në këmbë një komb të tërë, tronditi botën e qytetëruar, për të kthyer vëmendjen e merituar të miqve ndërkombëtarë dhe popujve liridashës.
Lirinë e gëzojmë falë rezistencës së familjes Jashari dhe luftës së UÇK-së.
Lavdi të rënëve të familjes Jashari!
Lavdi dëshmorëve të Ushtirsë Çlirimtare të Kosovës!
