Albin Kurti: Prej 27 të emëruarve në borde, 4 kanë qëlluar me librezë të Vetëvendosjes!
Kryeministri në detyrë i Kosovës, Albin Kurti, është pyetur nga gazetarët për emërimin e disa prej anëtarëve të partisë së tij në bordet e ndërmarrjeve publike.
Ai tha se nga 27 persona të emëruar në borde të përkohëshme të ndërmarrjeve publike , 4 janë në anëtarësinë e Lëvizjes Vetëvendosje. Por sipas tij, asnjëri prej tyrë nuk e ka këtë gjë primare “janë profesionistë të dëshmuar”.
“Bordet e përkohëshme janë duke bërë rekomandime dhe po marrin vendime për korrupsionin që po gjejnë aty…Do të fillojmë procesin për inkuadrimin e Ambasadës Britanike dhe shoqërisë civile në vendosjen e profesionistëve në pozitat e reja të menaxhmentit sepse edhe aty i kemi me ushtrues detyre”, tha Kurti ndër të tjera, transmeton Gazeta Sinjali.
Ai shtoi se nga pesë ministrat e LVV-së, dy nga ta nuk janë anëtarë të Lëvizjes Vetëvendosje. Ministrja Rozeta Hajdari dhe ministri Blerim Reka.
Po ashtu Kurti tha se nga 12 këshilltarë që ka, 5 nga ta nuk janë anëtarë të LVV-së dhe nga 4 këshilltarë të jashtëm asnjëri nuk është i partisë.