Drejtori i institutit IKD, Ehat Miftaraj, ka paralajmëruar se tashmë KEDS ka nisur të shpërndajë edhe faturat e reja të energjisë elektrike.

Populli kishte mbetur i shastisur në muajin dhjetor kur kishte parë faturat e tyre për atë muaj. Sidomos ata që kishin kaluar konsumin prej 800MWh.

Por, duket se njësoj do të jetë edhe këtë muaj.

Miftaraj thotë se fatura për muajin janar i ka ardhur 700 euro në IKD.

“Qeveria e shpresës sa ishte në opozitë e shajke e mallkojke privatizimin e KEDS.” – tha z. Miftaraj në profilin e tij në Facebook.

Po ashtu, aktivisti i shoqërisë civile ka përmendur edhe fjalime të mëparshme të Albin Kurtit si opozitar për këtë çështje e që bien ndesh me realitetin që po ndodh nën pushtetin e tij.

Postimi i plotë:

Babadimri i KEDS sot paska filluar t’i shperndaj dhuratat/faturat per qytetaret e republikes se Kosoves.

Dhurata/fatura per muajin janar na erdhi afer 700 Euro ne IKD.

Qeveria e shpreses sa ishte ne opozite e shajke e mallkojke privatizimin e KEDS.

Albin Kurti ne Rubikon te KTV me 6 qershor 2017:

Kurti përmendi rastin e privatizimit të KEDS-it për çka tha se do të iniciojë hetime dhe në rast se ka pasur shkelje të mjaftueshme, ai do ta kthejë.

“Ka pasur mjaftueshëm shkelje të kushtetutës e transparencës në mënyrë që të fillonte një hetim. Të shitet për 26 milionë euro. Unë do të isha në këtë rast si kryeministër me qëndrime politike të përvojës sime në politikë dhe janë pastaj juristët për të hetuar shkeljet”, ka thënë ai.

“Jemi qeveri e cila nuk do të hakmerret por nuk do ti falim krimet, nëse ka pas krime atëherë do të trajtohen”, ka thënë ai.