Tepelenë
Aksident tragjik në Tepelenë, katër të vdekur
Një aksident tragjik me 4 persona të vdekur dhe dy të plagosur ka ndodhur në Tepelenë.
Tre automjete janë përfshirë në një aksident të ndodhur rreth orës 19:00 të së dielës në “bypassin” e Tepelenës, poshtë kalasë së këtij qyteti, që është pjesë e aksit nacional Tepelenë-Gjirokastër.
Një automjet, duke ardhur në drejtimin jugor, ka humbur kontrollin dhe si pasojë është përplasur me dy automjete të tjera që qarkullonin në drejtim të kundërt.
Si pasojë e aksidentit të rëndë, një prej drejtuesve të mjeteve ka ndërruar jetë në vendin e ngjarje, ndërsa dy persona të tjerë u dërguan me urgjencë në spital, por fatkeqësisht ndërruan jetë.
Sipas verifikimeve të para nga ana e Policisë Rrugore, bëhet e ditur se shkaku i aksidentit ka qenë lagështia në rrugë si pasojë e shiut.
“Rreth orës 19:00, në aksin rrugor Tepelenë-Memaliaj, janë përfshirë në aksident rrugor 3 automjete.
Si pasojë e përplasjes së automjeteve kanë humbur jetën 4 shtetas ende të paidentifikuar dhe janë dëmtuar 2 shtetas të tjerë të cilët janë dërguar për ndihmë mjekësore në Spitalin Rajonal Gjirokastër.
