Tre persona kanë pësuar lëndime si pasojë e një aksidenti mes një treni dhe një automjeti në fshatin Sllatinë të Fushë- Kosovës.
Lajmin për Ballkani.info e ka konfirmuar Zëdhënsja e Policisë për Rajonin e Prishtinës, Flora Ahmeti.
Ajo shtoi se personat e lënduar pas pranimit të tretmanit mjekësor, janë liruar në shtëpi.
Me rastin po merret njësiti i trafikut.
Njoftimi i Policisë:
Rreth orës 12:00 policia ka pranuar një informacion se në rrugën e re që shpie për te Aeroporti Ndërkombëtar, në fshatin Sllatinë ka ndodhur një aksident trafiku mes një automjeti Toyota dhe një treni.
Si pasojë e aksidentit tre persona kanë pësuar lëndime të lehta trupore. Të njejtit pas tretmanit mjekësor janë liruar në shtëpi. Me rastin po merret njësiti i trafikut./Ballkani.info/








