Aheng familjar në Suharekë, Policia inicon rast ndaj organizatorit
Policia ka inicuar rast ndaj një personi në Suharekë pasi që i njëjti kishte organizuar aheng familjar në ambient të mbyllur.
Sipas raportit të Policisë, në aheng kishin marrë pjesë 25-30 persona, duke e shkelur vendimin e Qeverisë i cili ndalon tubimet mbi 5 persona.
Policia njofton se me vendim të prokurorit, rasti shkon në procedurë të rregullt.
“Është inicuar procedurë ndaj të dyshuarit mashkull kosovar pasi që i njëjti në kundërshtim me vendimin e Qeverisë ka organizuar aheng familjar në objekt të mbyllur ku të pranishëm kanë qenë 25-30 persona . Me vendim të prokurorit rasti shkon në procedurë të rregullt”, thuhet në raportin 24 orësh të Policisë.
