Agim Bahtiri

Agim Bahtiri: Rastet tashmë kanë filluar të kenë një rënie, shëndeti i qytetarëve është mbi secilën temë

Kryetari i Mitrovicës, Agim Bahtiri është deklaruar pas takimit me kryeministrin Albin Kurti dhe zyrtarëve të tjerë qeveritar, lidhur me pandeminë Covid-19.

Bahtiri ka thënë se vetëm me bashkëpunim mund të ndalet rritja e rasteve me Covid-19.

Më tutje ai deklaroi se rastet kanë filluar që të bien.

“Rastet tashmë kanë filluar të kenë një rënie, mirëpo duhet të jemi të përkushtuar plotësisht që të zbatojmë edhe masat që janë miratuar nga Qeveria e Kosovës. Pjesëmarrja e kryetarëve në këtë takim sot u shndërrua në temë dite, por binduni që shëndeti i qytetarëve është mbi secilën temë tjetër”, ka shkruar ai në një postim në “Facebook”.

Postimi i plotë:

Vetëm me një bashkëpunim të tillë mund të ndalim rritjen e rasteve me COVID-19

Sot, mora pjesë në takimin e ftuar nga kryeministri Albin Kurti, ministri i Shëndetësisë, Arben Vitia dhe ministrin e Administrimit të Pushtetit Lokal, Elbert Krasniqi, ku u diskutua për zbatimin e masave AntiCovid.

Rastet tashmë kanë filluar të kenë një rënie, mirëpo duhet të jemi të përkushtuar plotësisht që të zbatojmë edhe masat që janë miratuar nga Qeveria e Kosovës. Pjesëmarrja e kryetarëve në këtë takim sot u shndërrua në temë dite, por binduni që shëndeti i qytetarëve është mbi secilën temë tjetër.

Po shfrytëzoj këtë moment të ju kërkoj përsëri për të mbajtur maskën, distancën dhe për të respektuar në plotni masat AntiCovid.