Lumir Abdixhiku

Abdixhiku thotë se Kurti funksionon me paranoja: S’di të bëjë, s’di të menaxhojë, s’di të japë

Kryetari i Lidhjes Demokratike të Kosovës, Lumir Abdixhiku, ka thënë se kryeministri Albin Kurti, funksionon me paranoja.

Ai ka rënditur disa arsye që sipas tij, qëndron ajo që tha se Kurti funksionon me paranoja.

“Unë kam përshtypjen se këtu ka një paranojë të kryeministrit. Kur është anuluar projekti i gazit, ka qenë paranojë. Kështu funksionon Albin Kurti”.

“Qe një vit fondet e MCC nuk janë në gazifikim. Është gabim. Dhe kur kemi ardhë me këto propozime, reagimi i parë ka qenë, ju po i mbroni interesat e naftarëve. Pra, është paranojë. Edhe Sunny Hill kur intervenu nga qeveria, ishte paranojë. Po fiton këtu dikush. Pra, ky ka frikë prej fitimit, ky ka frikë prej bizneseve, ka frikë prej gazetarëve, prej mësuesve, çdo asociacioni të bizneseve, të gazetarëve e të sindikatave e kështu me radhë”.

Sipas tij, ai ka frikë ‘sepse s’din të bëjë, s’di të menaxhojë, s’di të japë’.