A do të falet Kurban Bajrami në xhami? – Zemaj: Tubimet në masë, nga dita e nesërme do të ndalohen
Ministri i Shëndetësisë Armend Zemaj ka folur lidhur me masat e reja të propozuara nga Qeveria në kuadër të ndalimit të përhapjes se koronavirusit.
Duke folur për ndalesën e aktiviteteve publike, Zemaj u shpreh se nuk e ndalojnë faljen e Kurban Bajramit, megjithatë do të ketë formë tjetër të këtij rituali të kësaj feste, njofton Klan Kosova.
”Të gjitha masat që do ndërmerren nga dita e djeshme do të kufizojnë shumë lëvizje të aktiviteteve publike”.
”Nesër do të kemi kontakte të tjera, dhe çdo gjë që do të jetë konform vlerësimit epidemiologjik. Unë nuk jam kryeimam që të lejoj faljen e Kurban Bajramit”.
”Nuk mund të ndal as unë e askush në botë faljen e Bajramit. Ne japim rekomandime për ndalesën e aktiviteteve publike”.
A do te lejohet falja e Kurban Bajramit në xhami?
”Ju e keni një interpretim më të drejtë”.
”Është konform edhe rekomandimeve tona. Për ne me rëndësi është që masa të mos grumbullohen në çfarëdo forme apo çdo aktiviteti”.
”Ne do të ndalojmë të gjitha tubimet publike. Tubimet në masë, nga dita e nesërme do të ndalohen”.
