mund feronikelin
Gjilani e nis edicionin e ri me fitore
Skuadra e Gjilanit e ka nisur edicionin e ri në Superligën e Kosovës me fitore.
Gjilani në nisje të kampionatit të ri të premten pasdite e ka mposhtur Feronikelin 74 në udhëtim me rezultatin 3:1.
Granit Jashari e realizoi golin e parë për skuadrën gjilanase në minutën e shtatë.
Golin e dytë e realizoi mesfushori Hamdi Namani në minutën e 48-të.
Namani realizoi supergol nga distanca.
Një supergol u shënua edhe nga Indrit Prodani për Feronikelin 74 në minutën e dytë. Por goli i Prodanit u anulua për shkak të prekjes me dorë gjatë ndërtimit të aksionit nga sulmuesi Ivan Deliq.
Bleart Tolaj nga penalltia në minutën e 84-të realizoi për 3:0.
Nga pika e bardhë edhe Shpresim Zogu e realizoi golin e vetëm për Feronikelin 74 në minutën e 89-të.
Gjilani edicionin e kaluar e përfundoi kampionatin në pozitën e pestë me 51 pikë.
Feronikeli 74 u rikthye në Superligë pas një viti të kaluar në kategorinë e dytë të futbollit kosovar.
