2:1
Brightoni e mposht Man Utd-n në “frymën e fundit”
Brightoni ka shënuar fitore, duke e mposhtur Manchester Unitedin në xhiron e dytë në Premierligë.
Vendasit shënuan fitore me rezultat 2:1, falë një goli të sekondave të fundit.
Welbeck kaloi Brightonin në epërsi në minutën e 32-të të ndeshjes.
Amad Diallo arriti të barazonte shifrat në minutën e 60-të.
10 minuta më pas, Zirkzee realizoi, por goli u anulua nga sistemi VAR për pozicion jashtë loje.
E në minutën e pestë shtesë, Joao Pedro shënoi për fitoren e Brightonit, që e dërgojnë në pikë të plota pas dy ndeshjeve, gjashtë.
Në anën tjetër, Manchester Unitedi mbetet në kuotën e tri pikëve.
