Qëndron zgjuar natën se ka ftohtë. Ditën temperaturat rriten disi dhe merr një sy gjumë.

Në mesditë 77 vjeçaren Sabie Bega nga Mazhe e Vogël, e Bubqit e gjetëm në gjumë.

“S’kam fjetur natën”.

Pas tërmetit të 2019 jeton në kontenier dhe nuk ka me çfarë të ngrohet.

S’ka si të gatuajë. Ushqimin ja sjellin çdo ditë vajza e nipi që jetojnë në Kurbin.

Teksa apelon që t’i ndërtohet shtëpia, kujton tmerrin që përjetoi mesanatën e 26 nëntorit të 2019.

“U rrëzova më shpëtoi djali me nusë hapën kangjëllat e dritares”.

Sabija është një nga shumë të dëmtuarit nga tërmeti që ende nuk di kur do i ndërtohet banesa.