Raporti 24 orësh

35 të vdekur dhe 135 raste të reja me Covid-19 në Maqedoni

Në Maqedoninë e Veriut, gjatë 24 orëve të fundit janë kryer 841 testime dhe prej tyre 135 kanë rezultuar pozitivë.

Po ashtu në 24 orët e fundit e kanë humbur betejën me virusin 35 pacientë, ndërsa janë shëruar edhe 900 persona.

Deri tani në vendin tonë janë kryer 692.096 testime të dyshuara për COVID-19, ndërsa numri i të prekurve që nga fillimi i pandemisë është 147 229. Nga këta 123.710 persona kanë fituar betejën me virusin, ndërsa 4.478 kanë humbur jetën. Numri aktual i personave me koronavirus është 19.041.