14 plumba janë shkrepur në drejtim të Ismet Ibishi, i cili mbeti i vrarë mbrëmë në Skenderaj.

Kështu ka deklaruar sot vëllai i tij, Fatos Ibishi.

Fatosi, mohoi se vëllai i tij, Ismeti, u vra për pronë, ndërsa u shpreh për veriu.tv se atij iu shkrepën në trup 14 plumba.

”E kanë kërsit babë e bir kurrë pa nal, 14 plumba. 14 plumba vëllai im i ka në trup. Vëllai im nuk është vra për pronësi. Vëllai im ka dal me pi kafe, t’u pi kafe është hi djali tij, e ka pa edhe u kthy, u shku e ka marrë babën e vet, si kanë ardhë, me dy alltija, janë hi në kafe edhe policia e din… ”, ka thënë Ibishi.

Mes të tjerash, Fatosi ka shtuar se dorasit kanë tentuar ta çnjerëzojnë viktimën përpara qytetarëve tjerë që ndodheshin në kafene.

”Babë e bir ja kanë ba vëllait tim, ”deshu”, midis kafes. Janë mundu me çnjerëzu aty me kesh hallku me ta. Por, vëllai im nuk çnjerëzohet, m’u vra po”.

”Ai u vra, por m’u çnjerëzu nuk është çnjerëzu”.