13 raste të testuara si të dyshuar për koronavirus, kjo komunë mbetet e pa prekur nga Covid19
Nuk ka lajm më të mirë për mua se të gjithë të dyshuarit me COVID-19 në qytetin e Mitrovicës janë testuar dhe të gjithë kanë dalur NEGATIV. Dje 8 mostra të marra, ndersa sot edhe 5, gjithësejt 13 sosh NEGATIVE.
Kështu ka bërë të ditur kryetari i Mitrovicës, Agim Bahtiri.
“Kjo meritë nuk është e askujt tjetër më shumë të dashur qytetarë, përveç se e juaja. Ashtu siç ju kërkova unë çdo herë, edhe kësaj radhe keni lënë anash të gjitha dallimet që keni mes vete te çfardo natyre dhe e luftuat e po luftoni fuqishëm këtë pandemi. Përgjithmonë ju jam mirënjohës. Pra, momentalisht nuk kemi asnjë rast të konfirmuar me COVID-19, por kjo nuk duhet të na dembeloj në përpjekjen tonë për të fituar me sukses të plotë luftën kundër këtij virusi. Ju admiroj pa masë, ju dua fort”, ka shkruar Bahtiri.
AB
