11 vdekje nga COVID-19 në Shqipëri gjatë 24 orëve të fundit

Shqipëria ka regjistruar 11 vdekje në 24 orët e fundit si pasojë e koronavirusit. Ministria e Shëndetësisë ka njoftuar se gjatë kësaj periudhe janë testuar 1508 persona, ku 318 prej tyre kanë rezultuar pozitivë me COVID-19.

Gjithashtu, janë shëruar 557 persona, duke çuar kështu numrin e të shëruarve në total 32.122 pacientë.

Autoritetet shqiptare kanë njoftuar se që nga fillimi i pandemisë janë infektuar 56.572 persona, janë kryer 255.197 testime dhe kanë humbur jetën 1164 pacientë.