Zyrtari parkon veturën në hapësirën për persona me nevoja të veçanta (FOTO)

Zyrtarët shtetërorë po vazhdojnë t’i keqpërdorin veturat zyrtare. Një rast i tillë ka ndodhur edhe në një prej parkingjeve në vend.

Një veturë 3Z është parkuar në vendin që është i rezervuar për personat me nevoja të veçanta.

Vetura që mban targat 3Z-264-06 ka qëndruar e parkuar në këtë hapësirë, ani pse nuk ishte e dedikuar për të. Ende nuk dihet se cilit zyrtar i përket kjo veturë.

Ndryshe, ky nuk është rasti i vetëm që zyrtarët e shtetit i keqpërdorin veturat zyrtare. Para disa muajve një zyrtar e kishte përdorur veturën zyrtare për t’i shuar epshet e tij. Po ashtu, një zëvendësministër ishte parë i shtirë në veturë zyrtare e duke u çlodhur, derisa këtë veprim të tij e kishte arsyetuar me shkaqe shëndetësore.