Forcat ruse në Ukrainë duhet të respektojnë ligjin ndërkombëtar humanitar, të mbrojnë civilët dhe të përmbahen nga dëmtimi dhe shkatërrimi i infrastrukturës civile, tha Janez Lenarçiç, komisioneri evropian për Ndihmën Humanitare dhe Menaxhimin e Krizave.

“Qasja ka qenë në shumë vende, në rastin më të mirë sporadike ose jo-ekzistente”, dhe Rusia “nuk po ofron akses të papenguar për furnizimet humanitare dhe punëtorët humanitarë për njerëzit në nevojë”, tha Lenarčič në një deklaratë për gazetarët të enjten, raporton CNN.

Agjencitë e ndihmës që ofrojnë ndihma nga BE-ja përballen me “vështirësi për të arritur disa nga qytetet e rrethuara”, tha ai, duke shtuar se ato kanë “vështirësi për të arritur popullatën, e cila është e bllokuar në zonat e konfliktit aktiv”.

Ai fajësoi forcat ruse për këtë, duke thënë se ato “nuk po i përmbushin detyrimet e tyre ligjore ndërkombëtare”.

Duke folur në Qendrën e Koordinimit të Reagimit Emergjent të Bashkimit Evropian (ERCC) në Bruksel, ku BE-ja koordinon mbledhjen dhe shpërndarjen e ndihmave humanitare nga të gjitha 27 vendet e BE-së, komisioneri tha se dhënia e ndihmës për Ukrainën ishte “operacioni më i madh i mbrojtjes civile ndonjëherë”. që kur mekanizmi i reagimit ndaj fatkeqësive të BE-së u krijua në 2001.