Zyrtare: Vjosa Osmani kandidon për pozitën e presidentit
Marrëveshja e Albin Kurtit dhe Vjosa Osmanit ka si pikë të veçantë edhe çështjen e presidentit dhe kështu zyrtarisht Osmani kandidon për pozitën e presidentit.
Kjo është konfirmuar në një konferencë të përbashkët që kanë mbajtur Osmani dhe Kurti nga holli i Kuvendit.
Pas nënshkrimit të marrëveshjes, Osmani tha se do të jetë ajo që kërkon të rilegjitimohet posti i presidentit.
“Do të jem unë personi që do ta kërkoj këtë ri legjitimim, sepse presidenti i vendit përfaqëson unitetin e popullit. Një presidente që ka legjitimitet më së miri e përfaqëson këtë. Do të garojmë pikërisht si thoni ju”, tha ajo.
Ndryshe zgjedhjet e jashtëzakonshme mbahen me 14 shkurt të këtij viti dhe Kurti e Osmani do të jenë në një listë të përbashkët. /Ballkani.info/