Anëtari Vetëvendosjes, Avni Zogiani, ka përsëritur qëndrimin e partisë së Albin Kurtit, se do të hyjnë në koalicion me ndonjë parti vetëm me kushtin që Albin Kurti të jetë kryeministër i vendit.
Përmes një shkrimi në Facebook, Zogiani ka komentuar shprehjen “Bën Albini edhe diku tjetër, nuk është e thënë veç kryeministër”. Ai tha se ky lloj angazhimi kërkon veç zëvendësimin e njerëzve ne pushtet, por jo ndryshimin thelbësor që sjell Albini si kryeministër.
Të gjitha ato parti që dëshirojnë koalicion me Vetëvendosjen, sipas tij, duhet ta kenë të qartë se posti i kryeministrit i takon vetëm Albin Kurtit.
“Bën Albini edhe diku tjetër, nuk është e thënë veç kryeministër..” – ky lloj angazhimi kërkon veç zëvendësimin e njerëzve ne pushtet, por jo ndryshimin thelbësor që sjell Albini si kryeministër. Pra, nëse duam ndryshim rrënjësor, jo, nuk bën diku tjetër, veç kryeministër dhe #QeveriaKurti po vjen!”, ka shkruar Zogiani në Facebook.







