Zgjohet pas një muaji nga koma vajza që u aksidentua në Gjilan
U zgjua nga koma Marigona Syla, vajza e cila u aksidentua më 6 mars, rreth orës 23:30 në fshatin Parallovë të Gjilanit.
Këtë e ka bërë të ditur vetë ajo, duke e publikuar një fotografi me mbishkrimin “Falënderimi i takon Allahut dhe lutjeve tuaja”.
Marigona ishte në koma që prej natës kur u aksidentua.
Kujtojmë që nga ky aksident u lënduan edhe tre persona të tjerë, njëri prej të cilëve, një vajzë me inicialet A.B., vdiq mbrëmjen e 18 marsit.
