Ambasadori gjerman në Kosovë, Jorn Rohde dhe ambasadorja e Francës në Kosovë, Marie-Christine Butel, kanë vizituar pikën kufitare në Merdare.

Ambasadori Rohde në një postim në rrjetin social “Twitter”,  ka shkruar se ka vërejtur një bashkëpunim të mirë mes autoriteteve të Kosovës dhe të Serbisë për t’ua mundësuar votuesve serb të shkojnë për të votuar atje.

“Së bashku me Ambasadoren e Francës në Kosovë vizituam pikën kufitare në Merdare. Ne atje pamë një bashkëpunim nga të dyja anët. Po ashtu Kosova kishte vepruar siç kishte premtuar duke rritur personelin në pikat përkatëse kufitare duke mundësuar që në mënyrë të qetë votuesit të shkojnë të votojnë atje”, ka shkruar Rohde.

Kujtojmë se në Serbi sot janë duke u mbajtur zgjedhjet.