Zgjedhet “Miss Universe 2021”
Është shpallur fituesja e “Miss Universe 2021”, ndërsa ky kompeticion mbahet për të 69-tën herë me radhë.
Një ngjarje e tillë është parashikuar që të mbahet më herët, por është shtyrë për shkak të pandemisë coronavirus, shkruan CNN.
Andrea Meza, e cila vjen nga Meksika ka pasur rastin që të kurorëzohet me “Miss Universe”.
Foto: CNN
Lajmin ajo edhe vet e ka bërë të ditur përmes një postimi në rrjetin social Instagram, ku kishte ndarë imazhe nga momenti i lumtur.
Kompeticioni është mbajtur në Seminole Hard Rock Hotel and Casino të Floridas, përfshirë një performancë nga Luis Fonsi.
“Jam shumë e nderuar që jam zgjedhur në mesin e 73 vajzave mahnitëse me të cilat kam qëndruar sonte”, tha Meza në një njoftim për shtyp nga Organizata Miss Universe.
Kujtojmë se Kosovën kësaj radhe e ka përfaqësuar bukuroshja bionde, Blerta Veseli.
