Zgjatet edhe për dy vjet afati për aplikim për statusin e viktimës së dhunës seksuale në luftë

Qeveria e Kosovës, në mbledhjen e 132-të, ka miratuar zgjatjen edhe për dy vjet të aplikimit për njohje të statusit të viktimës së dhunës seksuale të luftës.

Kreu i ekzekutivit, Albin Kurti, me këtë rast u bëri thirrje viktimave të dhunës seksuale në luftë që të aplikojnë dhe të realizojnë të drejtën e tyre të garantuar me ligj, njofton Klankosova.tv.

“Të mbijetuarit e dhunës seksuale kanë nevojë për drejtësi e përkrahjen tonë shoqërore për ta luftuar stigmën me të cilën ende përballen”, tha Kurti.

Mes tjerash, ai përsëriti se procesi i aplikimit është konfidencial.