Zëvëndëskryeministri Tahiri kritik ndaj BE-së: Ku keni mbetur për liberalizimin e vizave?

Zëvendëskryeministri në Qeverinë e Kosovës, Besnik Tahiri ka kujtuar faktin se janë bërë 2 vite që kur Komisioni Evropian konfirmoi se Kosova ka përmbushur të gjitha obligimet sa i përket liberalizimit të vizave.

Sipas tij, e gjithë kjo situatë e krijuar është e tepërt.

Shkrimi i tij i plotë në Facebook:

Ku ka mbetur BE-ja?

U bënë dy vjet kur Komisioni Evropian na e konfirmoi se Kosova përmbushi të gjitha obligimet e veta si qeveri e shtet për liberalizim të vizave. Para kësaj date ka pasur shumë premtime dhe zotime nga BE-ja, por edhe sot e kësaj dite ne nuk kemi liberalizim. Mos të harrojmë se Kosova mbetet vendi që ka kaluar më së shumti kohë nga vlerësimi se i kemi përmbushur kriteret deri në liberalizimin e plotë. Çka të thuhet veç se çka është tepër është!!