Zemaj: Veprimet e Kurtit në veri janë për ta arsyetuar marrëveshjen e keqe që e nënshkroi
Deputeti i Lidhjes Demokratike të Kosovës, Armend Zemaj ka thënë që veprimet e kryeministrit, Albin Kurti në veriun e Kosovës janë për të arsyetuar marrëveshjen e keqe të nënshkruar në të cilën përfshihen vetë-menaxhimi dhe qasja ndaj Kishës Ortodoske.
Zemaj tha se Albin Kurti pjesë të politikës së tij e ka “propagandën, demagogjinë si dhe popullzimin.
”Nëse flasim për perceptimin me partnerët ky është kulmi i marrëzisë”, ka thënë Zemaj në T7.
Tutje ai tha se me Kurtin kryeministër nuk riparohen marrëdhëniet me SHBA-në.
”Me këtë Qeveri dhe këtë kryeministër.; Por besoj që i gjithë investimi pro-perëndimor që ka ndodhur me çlirimin e këtij vendi, ekonomisë, demokracisë lidhet me fatin e këtij individi”, tha deputeti opozitar.
Sipas tij, Kurti me egon e tij shndërrohet në një “mini-diktator”.
Zemaj kritikoi edhe politikat e Kurtit, duke thënë se janë dëmtuar raportet me SHBA-të, duke përmendur edhe përjashtimin e FSK-së nga “Defender Europe 2023”.
