Zemaj thotë se po punojnë për masat të përshtatshme: Përvoja e vendeve tjera është e mirëseardhur
Ministri i Shëndetësisë, Armend Zemaj e ka mirëpritur anëtarin e Komitetit për parandalimin e COVID-19, Lul Raka, pasi ishte në vetizolim pasi ishte infektuar me COVID-19.
“Mirë se vjen në ekip, prof. Lul Raka. Edhe pse kemi qenë në kontakt të vazhdueshëm, kishim kënaqësinë që sot të na bashkëngjitesh në mbledhjet tona, pas izolimit si pasojë e infektimit me Covid 19”, ka shkruar Zemaj në Facebook.
Ai tha se janë duke punuar për masa të përshtatshme që janë në pajtim me gjendjen.
“Puna jonë është të bëjmë të mundurën dhe të pamundurën për mbrojtjen e qytetarëve, planifikimin dhe masat e përshtatshme, në pajtim me gjendjen. Përvoja e vendeve tjera është e mirëseardhur, duke aplikuar kushtet tona. Mirënjohës ndaj të gjithë kontribuesve për pengimin dhe luftimin e virusit Covid 19”, ka shkruar Zemaj.
