Kuvendi i Kosovës
Zemaj për seancën e sotme: Pushteti bojkotoi Kosovën
Deputeti i LDK’së, Armend Zemaj, ka folur për bojkotin e pushtetit ndaj opozitës- mospjesëmarrja e VV’së në seancën e sotme për Policinë, refuzimi i Kurtit për t’iu përgjigjur pyetjeve parlamentare dhe moskonstituimi i komisionit hetimor për rezervat shtetërore.
Ai në emisionin “Frontal” të T7 ka thënë se partia në pushtet nuk mund ta ndalë zërin opozitar duke e pamundësuar kuorumin.
“Ata, po e bojkotojnë Kosovën”, tha Zemaj.
Zemaj tha se shfrytëzueshmëria e mjeteve nga marrëveshjet ndërkombëtare është e ulët kur foli për insistimin e VV’së që opozita t’i votojë marrëveshjet ndërkombëtare.
“Tani po thojnë na keni blloku mjetet”, tha ai.
