armend zemaj

Zemaj i bindur se LDK-ja do të fitojë zgjedhjet

Deputeti i LDK-së, Armend Zemaj në emisionin “DPT Te Fidani” është shprehur i bindur se partia e tij do t’i fitojë zgjedhjet, kurdo që mbahen ato.

Ai ka thënë se LDK-ja është e gatshme për zgjedhje, si asnjëherë në vitet e fundit.

“LDK-ja është e gatshme për zgjedhje, si asnjëherë në vitet e fundit nuk është më e përgatitur. Me të gjitha strukturat. Jemi kthyer edhe në mërgatë, janë adresuar edhe pjesët strukturore, por edhe afrimin e të rinjve dhe të rejave që mund të kontribuojnë për Kosovën”, ka thënë Zemaj.

“Kjo është ajo që ne po e bëjmë. Jemi të gatshëm. Do ta udhëheqim qeverinë e ardhshme dhe gabimet e Kurtit do t’i përmirësojmë për një afat të shkurtër”, ka shtuar ai.

Ai ka përjashtuar mundësinë e koalicioneve parazgjedhore.

“Jo, ashtu kanë vendosur organet e partisë. Kështu është vendimi i të gjithë anëtarëve të kryesisë”, ka thënë deputeti i LDK-së.