Presidenti ukrainas
Zelensky vë kusht për vizitën e Trumpit në Ukrainë
Presidenti ukrainas, Volodymyr Zelensky e ka ftuar ish-presidentin amerikan Donald Trump për vizitë në Kiev, pas vlerësimeve të tij se republikani mund ta ndalë luftën me Rusinë brenda 24 orëve nëse kthehet në Shtëpinë e Bardhë.
Zelensky këtë ftesë e ka bërë gjatë intervistës me transmetuesin britanik “Channel 4”.
“Donald Trump, të ftoj të vish në Ukrainë. Pra, nëse mund ta ndalësh luftën brenda 24 orëve mendoj se do të jetë e mjaftueshme që të vish”, ka thënë ai.
Ukraina të martën është sulmuar me dy raketa hipersonike të Rusisë. Zyrtarët kanë deklaruar se gjatë këtyre sulmeve kanë vdekur katër persona dhe janë plagosur më shumë se 100 të tjerë.
