Zeka i quan “harambasha” disa njerëz në LDK: Njerëzit që nuk patën kontribut në luftë, filluan me spica politike
Gazetari Milaim Zeka ka thënë në emisionin Pressing në T7 se Beteja e Koshares dhe lufta e UÇK-së ishte e shenjtë. Ai madje thotë se ka qarë kur ka parë djemtë e UÇK-së me uniformë andaj nuk mund të vishte kurrë atë uniformë.
Ai thotë se disa njerëz që nuk luftuan deshën të përfitonin politikisht pas luftës.
“Nuk kam veshur uniformë sa kam qenë aty. Jam frikësuar. Nuk kam dashur të d** uniformën thosha më mirë pantallonat e mi. Qaja kur shikoja djemtë me uniforma. Uniforma ishte e shenjtë. Por ata që nuk ishin aty dhe u frikësuan deshën të përfitojnë. Andaj dolën me këto gënjeshtra. Njerëzit që nuk kanë kontribut real në luftë nxjerrin këto spicat politike. Për këta harambashat e LDK-së që gënjejnë, disa. Pse e anashkalojnë Hafiz Gagicën. Janë arkivat. Lufta dokumentohet me to dhe kështu shkruhet historia. Askush nuk mund të gënjejë. Kanë dalur shumë gënjeshtra. A e din cfarë fjalëve janë thënë për Xhavit Halitin. A e dini cfarë njeriu me vlera ishte ai. Po të donte ja merrte 80 milionë Bukoshit. Është njeriu më meritor për kontakte me amerikanë”, thotë ai.
