Zbulimi i rëndësishëm: Koronavirusi fshihet dhe në lotët e të sëmurëve
Virusi Sars-Cov-2, përgjegjës për pandeminë e Covid-19, është aktiv edhe në lotët dhe sekrecionet okulare të pacientëve.
Kjo ka dalë si rezultat i një kërkimi të rëndësishëm të publikuar nga revista Annals of Internal Medicine dhe realizuar nga kërkuesit e Institutit Kombëtar të Sëmundjeve Infektive Spallanzani në Romë.
Studiuesit morën tamponin okular tri ditë pas shërimit të një pacienti të shtruar në spitalin Spallanzani në fund të janarit e që kishte inflamacion të dyanshëm të membranës së syrit, duke demonstruar që virusi, përveçse në aparatin e frymëmarrjes ishte në gjendje të shumohej edhe në membranën e syrit.
Concetta Castilletti, përgjegjëse e njësisë operative Virus emergenti në Laboratorin e Virologjisë në Spallanzani. ‘Lind nevoja e përdorimit të duhur të diapozitivave mbrojtës në situata si ekzaminimi i syve, që mendoheshin se mund të ishin relativisht të sigurt për sa i përket rrezikut të infektimit që paraqet ky virus’.
Kërkimi ka evidentuar edhe që tamponët okularë mund të jenë pozitivë edhe kur kampionët e marrë nga aparati respirator nuk demonstrojnë më gjurmë të virusit.
Kampionët respiratorë të pacientit, tri javës pas shërimit rezultonin negativë, ndërsa kampioni okular ishte pozitiv i dobësuar deri në 27 ditë pas shërimit.
Do të jetë e nevojshme të bëhen studime të tjera për të verifikuar se deri kur virusi vazhdon të jetë potencialisht infektiv në lotë.