Xhemile Dehari: Mostrat e Astritit i paska pasur prokurori Afrim Shefkiu
Në medie është raportuar se janë gjetur një pjesë e mostrave të ish-aktivistit të VV-së, Astrit Deharit, të cilat ishin zhdukur në dhjetor të vitit të kaluar.
E për këtë Periskopi ka kontaktuar familjen Dehari. Nëna e Astrit Deharit, Xhemilja tha se mostrat i kishte pasur prokurori Afrim Shefkiu.
Tutje sipas Xhemile Deharit, i njëjti edhe i ka sjellë mostrat e zhdukura.
“Po pse po na thirrni neve, thirrne Afrim Shefkiun, ai i paska marr, ai i paska pru, thirrne prokurorin ai e din se ku i ka pas. Na as s’i kemi hup as s’i kemi çuar. Ai i paska pas vet i paska pru”, tha Xhemile Dehari.
Periskopi ka provuar ta kontaktoj edhe prokurorin Afrim Shefkiun për këtë, por i njëjti nuk është përgjigjur.
