vendim

Xhavit Haliti dhe Gani Dreshaj dënohen për sulm ndaj Arben Gashit (VIDEO)

Gjykata Themelore në Prishtinë, i ka dënuar dy ish-deputetët Xhavit Halitin dhe Gani Dreshajn, për sulmin ndaj deputetit të LDK-së, Arben Gashi.

Klan Kosova ka siguruar aktgjykimin në të cilin shkruan se Haliti dhe Dreshaj janë shpallur fajtorë, pasi që me 18 maj të vitit 2018, Haliti me dashje e ka sulmuar deputetin Gashi, duke e shtyrë me krah dhe bërryl në gjoks, duke kryer veprën penale sulm.

Kurse Dreshaj, sipas këtij aktvendimi është fajtor për shkak se në të njëjtën seancë me dashje e ka kanosur Gashin duke i thënë “kom me ta prish fytyrën”, e qe më këtë veprim ka kryer veprën penale kanosje.

Gjykata ua ka shqiptuar atyre dënimin me gjobë.

Gjykata ia ka shqiptuar Xhavit Halitit dënimin me gjobë prej 1 mijë e 250 euro, të cilin obligohet ta paguaj brenda 15 ditësh. Me të njëjtën shumë është gjobitur edhe Gani Dreshja, pra 1 mijë e 250 euro të cilat duhet t`i paguajnë brenda 15 ditësh.

Haliti dhe Gashi përplasen edhe fizikisht në Kuvend from Ekonomia Online on Vimeo.

loading…