Xhaçka: Ditë historike për Shqipërinë, rruga përpara është më e vështirë

Ministrja e Punëve të Jashtme e Shqipërisë, Olta Xhaçka, ka thënë se sot është ditë historike për Shqipërinë.

Përmes një postimi në Twitter, ajo shton se pas një një pritjeje të gjatë, dita e sotme legjitimon punën dhe angazhimin e palodhur. Po ashtu, thekson se rruga përpara është më e vështirë dhe kërkuese.

“Ditë historike për Shqipërinë! Ka qenë një pritje e gjatë, por dita e sotme legjitimon gjithë punën dhe angazhimit tonë të palodhur. Rruga përpara është më e vështirë dhe kërkuese, por sot shqiptarët mund të gëzohen për arritjen e këtij momenti të rëndësishëm në procesin e tyre të integrimit në BE”, ka shkruar Xhaçka.