Zyrtarë të lartë në administratën e Presidentit të SHBA-së, Donald Trump, kanë zhvilluar diskutime paraprake se si, nëse është e nevojshme, mund të kryhet një sulm ndaj Iranit për të përmbushur kërcënimet e Trump, duke përfshirë diskutime rreth asaj se cilat objektiva mund të sulmohen, thanë zyrtarët amerikanë për Wall Street Journal, transmeton Ballkani.info.
Një opsion i diskutuar është një sulm i madh ajror ndaj objektivave të shumta ushtarake iraniane, tha njëri prej zyrtarëve, ndërsa një tjetër tha se nuk kishte konsensus se cili kurs veprimi duhet të zgjidhet dhe se asnjë pajisje apo personel ushtarak nuk ishte lëvizur në përgatitje të sulmit, duke vënë në dukje se diskutimet ishin pjesë e planifikimit rutinë dhe se nuk kishte asnjë tregues për një sulm të afërt ndaj Iranit, raporton Wall Street Journal. /Ballkani.info/







