Gastronomët

Vushtrri, gastronomët shtrenjtojnë kafen

Kafeja është shtrenjtuar në Vushtrri, nga çmimi 50 cent është ngritur në 70 cent. Gastronomët që bashkarisht morën këtë vendim, thonë se këtë e bënë pas ngritjes së çmimeve të qumështit, sheqerit dhe disa produkteve tjera që i përdorin.

Ndërkaq, një nga arsyet më të mëdha është edhe shtrëngimi i masave, me të cilat nuk kanë të drejtë të punojnë brenda lokalit, pos shërbimit “merr me vete”, nga i cili deklarojnë të jenë dëmtuar shumë.

Qytetarët e Vushtrrisë i përkrahin gastronomët, meqë thonë se janë të vetëdijshëm për dëmin që kanë pasur këto muaj. Ndërkaq ka edhe nga ata që çmimet e ngritura nuk iu duken të arsyeshme.