Vrau të riun në Francë, 29-vjeçari shqiptar dënohet me 20 vite burg
Një 29 vjeçar është dënuar me 20 vite burg në Francë pasi akuzohet për vrasjen e një të riu francez. Mediat vendase raportojnë se shqiptari ka qëlluar me armë gjahu 22 vjeçarin më 11 tetor të vitit 2019. Autori i ngjarjes së rëndë u arratis një ditë pas të shtënave që i morën jetën të riut.
Ai u arrestua disa muaj më vonë në Tiranë. Në paraburgimin e policisë, ai pranoi se ishte autori i krimit ndërsa ka mohuar se donte ta vriste të riun. Gjykata franceze përfundimisht e shpalli fajtor për vrasje dhe tentativë vrasjeje të dy miqve të viktimës. /abcnews.al
