Mozzik
“Vjedhja e 15 armëve me leje, 100 mijë eurove e gjëra tjera”, çka tha policia për rastin e Mozzik
Reperi Gramoz Aliu, apo siç njihet me emrin e tij artistik Mozzik, njofton se shtëpia e tij ka qenë cak i hajnave. Ai deklaron se hajdutët ia kanë vjedhur 100 mijë euro para të gatshme, orë, unaza, zingjirë e ari. Ai thotë se i janë vjedhur rreth 15 armë me leje. Ky rast është përfshirë edhe në raportin 24-orësh të Policisë së Kosovës.
Rasti në polici është hapur si “vjedhje e rëndë”, ndodhur me datën 15 tetor.
Policia thotë se janë ndërmarrë të gjitha veprimet hetimore, teksa nuk njoftohet për identifikimin e arrestimin e ndonjë të dyshuari.
“VJEDHJE E RËNDË/ Ferizaj /15.10.2023-20:00. Ankuesi mashkull kosovar ka raportuar se persona të panjohur kanë depërtuar me forcë në brendi të shtëpisë së tij, ku nga aty kanë vjedhur disa lloje të armëve, para dhe stoli ari. Lidhur me rastin janë ndërmarrë të gjitha veprimet e nevojshme për procedura të mëtejme hetimore”, thuhet në raportin e policisë
