Vitia: Po, është e vërtetë, kemi refuzuar disa donacione të vaksinave
Ministri i Shëndetësisë, Arben Vitia, ka konfirmuar se Qeveria e Kosovës ka refuzuar donacione me vaksina nga Polonia dhe Bullgaria.
Vitia ka pranuar se janë refuzuar këto donacione, pasi siç thotë ai, ka pasur rrezik që atyre t’u dalë afati.
“Po, është e vërtetë, janë refuzuar disa donacione me vaksinën Astra Zeneca. Kanë qenë oferta për donacione, pas donacionit që kemi marrë nga Norvegjia. Të cilat kanë pasur një afat skadence, jo optrimal që do të na kishte garantuar administrimin për qytetarëve tanë. Ne i kemi falënderuar dhe i kemi refuzuar sepse ka pasur rrezik se nuk do të mund t’i administrojmë”, tha Vitia.
