VIDEO| Qytetarët i kërkojnë kryeministrit Kurti shkarkimin e ambasadorit Berishaj

Partia Demokratike e Kosovës ka publikuar një video në të cilën qytetarët i kërkojnë Kryeministrit Albin Kurti shkarkimin e Ambasadorit Martin Berishaj.

Në këtë video, të publikuar paraprakisht nga mediat, qytetarët e Prishtinës dhe Prizrenit deklarohen për aferën e madhe financiare në të cilën është përfshirë Ambasadori i Kosovës në Kroaci, Martin Berishaj.

Të gjithë, pa përjashtim, kërkojnë që  ambasadori Berishaj të shkarkohet dhe të sillet para drejtësisë në Kosovë.

Madje, qytetarët kanë edhe një thirrje direkte për Kryeministrin Kurti dhe Presidenten Osmani që të mos e marrin në mbrojtje ambasadorin Berishaj.