VIDEO| Lirohen të dyshuarit për sulmin ndaj tij, imami shkon në xhami me polici
Fillimisht përshëndeti pjesëtarët e Policisë të Kosovës. E këta do ta shoqërojnë gjatë qëndrimit të tij në xhaminë e fshatit Lupç i Poshtëm në Podujevë imamin Zeqir Berisha.
Lirimi i tre vëllezërve Murturi nga paraburgimi mobilizoi imamin që të kërkojë ndihmë në polici.
Dita e premte ishte më ndryshe edhe për shkak se imami kësaj radhe nuk do ta drejtojë xhumanë.
Pasojat e sulmit ndaj tij po i bart edhe tani.
Berisha sqaroi se problemet me vëllezërit Murturi kanë karakter fetar.
Por, banorët nuk kanë njohuri për këto ndasi që dërguan drejt konfliktit mes të përfshirëve.
E Policia e Kosovës gjatë të premtes nuk ka sqaruar për T7 nëse imami i fshatit Lupç i Poshtëm do të jetë nën përcjelljen e zyrtarëve të këtij institucioni edhe më tutje.
