Victoria Beckham fshin tatuazhin me inicialet e David – fansat spekulojnë për probleme në martesën e çiftit

Një nga çiftet më të famshëm në botë është ai i formuar nga Victoria dhe David Beckham, çifti janë bashkë që nga viti 1999, por së fundmi fansat e dyshes janë të shqetësuar për një tatuazh.

Dizajnerja e modës, 48 ​​vjeçe, hyri në Instagram javën e kaluar për t’i dhënë fansave një vështrim të shkurtër të nuancës së re “Bitten Lip Tint, Je t’aime”, dhe ndërsa ish-Spice Girl bëri një pjesë të grimit në krahun e saj, tatuazhi mungonte dukshëm.

Tatuazhi në kyçet e duarve të saj – të cilat ajo i kishte bërë për të festuar momentet historike me bashkëshortin David – janë zbehur gjithnjë e më shumë vitet e fundit pasi ajo vendosi t’i nënshtrohej trajtimit me laser për t’i hequr ato.

Ish-këngëtarja lansoi markën e saj të suksesshëm të modës në vitin 2008, zgjodhi trajtimin me laser pasi u shqetësua se tatuazhet nuk i përshtateshin një biznesmeneje me fuqi të lartë.

Si dhe numrat romakë VIII-V-MMVI që përfaqësojnë 8 maj 2006 – datën kur ajo dhe Davidi rinovuan betimet e tyre të martesës – kyçi i saj i djathtë kishte frazën latine ‘De Integro’, që përkthehet si ‘përsëri nga fillimi’.

Kjo thuhet se ka shënuar fillimin e saj të ri me bashkëshortin dhe familjen në Shtetet e Bashkuara, pasi ish-kapiteni i Anglisë u transferua në klubin LA Galaxy në 2007.

Në kyçin e dorës së majtë ajo kishte gjithashtu inicialet e burrit të saj, DB, dhe fjalët “Së bashku, përgjithmonë, përjetësisht” të shkruara në hebraisht – e zgjedhur për të shënuar përvjetorin e saj të dhjetë të martesës.

Megjithatë, tatuazhet nuk dukeshin më fare në videon e fundit të publikuar nga Victoria.

Megjithëse ka spekulime për probleme në martesë, pak ditë më parë kur mbretëresha Elizabeth II ndërroi jetë, çifti u pa bashkë gjatë funeralit, plus ata u panë së bashku të kapur për dore në një event publik.

Edhe pse askush nuk e di me siguri se si po shkon lidhja, shumë spekulojnë arsye të ndryshme pse Victoria ka vendosur të fshinte tatuazhin.

David dhe Victoria përndryshe kanë katër fëmijë: Brooklyn, Romeo, Cruz dhe Harper. Çifti u takua në 1997 dhe u martuan në 1999, dasma ishte një nga më mediatiket në Britaninë e Madhe.