Veturat ‘djegin’ gomat dhe ‘nxjerrin tingull që ngjan me të shtënat’ – pamje të një feste dasme në Sidnei të Australisë

Festimi i një dasme filloi në mënyrë jo të zakonshme pasi të ftuarit deklaruan dashurinë e zjarrtë të dhëndrit për nusen e tij të ardhshme.

Sipas mediave të huaja, përcjell Telegrafi, bëhet fjalë për një ngjarje të ndodhur në një rrugë në jugperëndim të Sidneit.

Aty, dasmorët, me makinat e tyre të mrekullueshme të shtunën kanë kryer një sërë “djegie gomash” për të festuar, duke lënë pas gjurmë në rrugë.

Veç kësaj, edhe tymi u ngrit në qiell dhe mund të shihej shumë larg duke tërhequr vëmendjen edhe të kamerave televizive.

Pamjet tregojnë një grumbull të madh njerëzish – familjarë, të ftuar të dasmës dhe fqinjëve në rrugë për të parë “procesionin” e Ford, Lamborghini dhe një Toyota Hilux.

Një fqinj e përshkroi tingullin e një prej makinave që bënte djegie si të ngjashme me ‘të shtëna me armë’.

Por fqinjët nuk dukeshin të shqetësuar nga kaosi, pavarësisht se një shofer thuhet se pothuajse doli jashtë kontrollit.