Veseli: Në momentin që pranoj ftesë nga Gjykata Speciale do ta bëj publike
Kryetari i Kuvendit njëherësh edhe kryetar i PDK-së, Kadri Veseli ka mohuar kategorikisht se ishte intervistuar nga Gjykata Speciale.
Veseli në RTV Dukagjini, ka thënë se ai nuk është intervistuar nga Gjykata Speciale asnjëherë.
Ai ka thënë se nëse do të ftohej nga Gjykata Speciale nuk do ta fshihte ftesën.
“Momentin që pranoj ftesë nga Specialja do ta bëj publike. E kam thënë dhe e them prapë. Nuk jam intervistuar dhe nuk kam marrë ftesë deri tani”, tha ai.
Kryetari i Kuvendit ka thënë se në momentin kur është raportuar se gjendet në Hagë ai ishte ende pa zbritur në Lubjanë.
“Isha me Enver Hoxhajn dhe ai vazhdoi për Frankfurt, dhe aty e kuptoj lajmin… Edhe pasi kam mohuar lajmin media që e ka publikuar lajmin nuk e ndryshonte titullin. U bëra e ditur se në Lubjanë nuk është seli e Gjykatës Speciale”.
“…Ata janë njerëz shumë profesional. Ka marrëveshje se ku do të bëhen intervistat. Ata nuk bëjnë intervista në stalla”.
Veseli thotë se ka dyshime pse lajmi është postuar pikërisht ën ditën kur ai kishte dalë në konferencë për të filluar Tribunalin ndaj Serbisë.
