Vesa Luma: Kam menduar që organizatorët do të kishin dëgjuar zërat e familjarëve të të zhdukurve për anulim të koncertit në Korçë

Mes polemikave e reagimeve të shumta, Goran Bregoviq arriti të këndojë në ‘Festën e Birrës’ në Korçë.

Këngëtari boshnjak me prejardhje serbe performoi të dielën (22 gusht) në natën e fundit të festivalit.

Reagimet kanë vazhduar edhe pas performancës së tij, teksa një të tillë së fundmi e bëri këngëtarja Vesa Luma.

Ajo thotë se ka menduar që organizatorët kanë dëgjuar zërat e familjarëve të të zhdukurve në Kosovë që dërguan letra për anulimin e këngëtarit të Kallashnikovit.

Postimi i plotë i Vesës (pa ndërhyrje):
“Nuk e di pse deri ne momentin e fundit mendova qe organizatoret e koncertit minimumi do te kishin degju zerat te familjareve te te zhdukurve te Kosoves qe iu drejtuan me leter lutje per anulim te kengetarit te Kallashnikovit..perveqse deshtoi koncerti ,deshtuan organizatoret e bizneset tyre,i lan Korces e birres se tyre njolle te keqe ..ai erdhi , e kishte marr malli me kendu kishte vite pa kendu (sic kishte thene ne interviste) kishte dal ne skene e kishte ik ne shpi.

Ajo Corba e Serbise per pike te qefit vijn te ftuar nga serbet e Kosoves ne Kosove, mbajne koncert ikin .. Kaq per ndjenjat e mijera njerezve qe akoma kane plage te hapura.. Shyqyr qe ekzistojne miliona tjere qe kane vetdije e kulture te respektojne dhimbjen e tjetrit..e shyqyr qe nuk karakterizohet Shqiperia e Kosova me individ te tille!

Dhe per fund.. po per mua Kosova dhe Shqipëria jane e perjete do te jene nje- ska as birre as corbe ti nda”.