Vdes tekniku medicinal, ishte i angazhuar edhe në UÇK

Oda e Mjekëve të Kosovës njofton për vdekjen e teknikut medicinal Liman Shala, i angazhuar edhe në luftë, duke iu dalë në ndihmë të plagosurve dhe të sëmurëve në zonën e Drenicës.

Ai ka punuar në Spitalin e Përgjithshëm të Mitrovicës, por ishte përjashtuar dhunshëm nga puna.

Postimi i plotë i OMK-së:

Ndahet nga jeta tekniku medicinal Liman Shala

Liman Shala ka shërbyer në Spitalin e përgjithshëm Mitrovicë deri në vitin 1993 kur edhe ishte përjashtuar me dhunë nga puna. Gjatë viteve 1998-1999 dha një kontribut të jashtëzakonshëm duke ju bashkuar radhëve të UÇK-së pranë brigadës 113 Muje Krasniqi, ku u kishte dal në ndihmë të plagosurve dhe të sëmurëve të zonës së Drenicës. Ishte person i përkushtuar ndaj profesionit të tij, mbi të gjitha ishte një njeri i dashur dhe shumë punëtor.

Oda e Mjekëve të Kosovës, i shpreh ngushëllimet më të sinqerta familjarëve, miqve dhe kolegëve të tij.