Tommy DeVito

Vdes nga koronavirusi vokalisti i grupit të famshëm

Ka vdekur në moshën 92-vjeçare, Tommy DeVito, anëtari i grupit pop amerikan Four Season, pasi ishte i infektuar me COVID-19.

Lajmin për vdekjen e tij e bën të ditur dy anëtarët e tjerë themelues të grupit, Frankie Valli dhe Bob Gaudio, të cilët thanë se ai “do t’i mungonte të gjithë atyre që e donin atë”.

DeVito u bashkua me Valli në 1956 dhe katër vjet më vonë ata formuan Four Seasons me Gaudio dhe Nick Massi. Hitet e tyre përfshinin ‘Oh What a Night, Sherry’, ‘Big Girls Don’t Cry’ dhe ‘Walk Like a Man’.

DeVito, u largua nga grupi në 1970 duke thënë se ishte i lodhur nga turnet.

DeVito, i cili lindi në Belleville, New Jersey, vdiq të hënën në Las Vegas pasi u shtrua në spital pas infektimit me koronavirus.