Vdes krijuesi i fjalëkalimeve kompjuterike
Pionieri i kompjuterëve Fernando Corbato, i cili ishte i pari që ka përdorur fjalëkalimin për të mbrojtur llogaritë e përdoruesve, ka vdekur në moshën 93-vjeçare.
Dr Corbato prezantoi një masë bazë sigurie e cila i lejonte përdorimin e kompjuterëve nga më shumë njerëz njëherësh.
Ai ka zhvilluar një teknikë të quajtur time-sharing, e cila ndante fuqinë e kompjuterit në mënyrë që ai të shërbente për më shumë se një person njëkohësisht, transmeton koha.net.
Dr.Corbato ka vdekur si rezultat i komplikimeve të shkaktuara nga diabeti.
Puna për të ndarë një kompjuterë shumë persona është bërë në Institutin e Teknologjisë së Massachusetts, ku Dr. Corbato ka kaluar gjithë karrierën e tij.
Përdorimi i kompjuterit gjatë të 50-ve ishte shumë frustruese sepse makinat ishin shumë të mëdha e mund të përpunonin vetëm një punë në një kohë.
Në përpjekje për ta kapërcyer këtë limitim, Dr. Corbato ka zhvilluar një sistem operativ të quajtur ‘Compatible Time-Sharing System’ (CTSS), transmeton koha.net.
Në vend që një makinë të dedikohej vetëm te një person, CTSS ndante fuçinë e përpunimit të kompjuterit në pjesë të vogla, kështu që ai mund të kryente nga pak punë për shumë njerëz.
Edhe në vitet e 50-ta e 60-ta kompjuterët ishin aq të shpejtë sa që përdoruesit nuk vërenin se ata janë duke përdorur vetëm një pjesë të vogël të fuqisë së procedimit të makinës.
Zhvillimi i CTSS ka quar te një program tjetër ‘time-sharing’ të quajtur Multics, i cili është paraardhësi i sistemit operativ Linux.
Fjalëkalimet janë prezantuar në CTSS si mënyrë për përdoruesit, që të fshehin të dhënat e programet e tyre ku ishin duke punuar, nga të tjerët që përdornin të njëjtën makinë.
“Vënia e një fjalëkalimi për çdo përdorues individual dukej një zgjidhje shumë e mirë e menjëhershme”, ka thënë Dr. Corbato në 2012-ën.