Vdes 54 vjeçarja e cila ishte hedhur në rrugë nga burri i saj derisa vetura ishte në lëvizje

Ka ndërruar jetë gruaja A. L e lindur në vitin 1965 e cila dy javë e parë është hospitalizuar në QKUK me dyshimet se ka marrë lëndime të rënda nga bashkëshorti i saj.

Zëdhënësi i Policisë se Kosovës në Suharekë, Vesel Gashi, ka treguar që dyshimet janë se viktima është lënduar përderisa ka qenë duke udhëtuar me makinë me bashkëshortin.

Sipas tij, dyshimet e para janë që pjesa me e madhe e lëndimeve i janë shkaktuar në zonën e kokës.

“Bashkëshorti është në mbajtje që nga 31 maji, ndërsa viktima ka qenë e shtrirë për trajtim në QKUK. Me urdhër të prokurorit trupi dërgohet për autopsi”, ka thënë Gashi.

Dyshohet se është hedhur në rrugë nga bashkëshorti, përderisa vetura ishte në lëvizje.